Eftirfarandi tilkynning barst Mannlífi rétt í þessu:
Leit lögreglu og björgunarsveita stendur nú yfir að 17 ára stúlku sem síðast sást til á Smiðjuvegi í Kópavogi um hálfsexleytið í dag.
Óttast er um stúlkuna og því mjög mikilvægt að hún finnst sem allra fyrst. Hún er klædd í rauðar náttbuxur, gráa hettupeysu og svarta Brooksskó. Stúlkan er 161 sm á hæð.
Talið er mögulegt að hún hafi farið í Hlíðahverfi í Reykjavík (póstnúmer 105).
Þau sem hafa séð til stúlkunnar eru vinsamlegast beðin um að hafa tafarlaust samband við lögreglu í síma 112.
Nafn og mynd af stúlkunni verður ekki birt að svo stöddu.
Uppfært: Stúlkan er fundin, heil á húfi.