• Orðrómur

Svona lítur þessi Delta-dagur út – Veiran tröllríður samfélaginu

Efnisorð

Deila

- Auglýsing -

Eins og öllum ætti að vera orðið kunnugt er ástandið sökum uppsveiflu Covid-19 allt annað en gott. Hér verður farið yfir helstu fréttir dagsins er tengjast veirunni.

Í gær greindust að minnsta kosti 115 manns með Covid-19, ekki er búið að fá allar niðurstöður og því gæti talan farið hækkandi. 24 af þeim 115 sem greindir hafa verið eru óbólusettir og tveir eru hálf bólusettir. 89 voru í sóttkví við greiningu. 852 einstaklingar eru í einangrun, 2.243 í sóttkví. Þá greindist einn með smit á landamærunum í gær, sá var óbólusettur.

Mikið álag er á slökkviliði höfuðborgarsvæðisins, en metfjöldi var í sjúkraflutningum hjá þeim í gær, meðal annars vegna flutninga vegna Covid-19. Í gær voru farnir 48 flutningar í tengslum við veiruna skæðu og hefur slökkviliðið biðlað til almennings að leggjast á eitt í baráttunni við vágestinn og fara eftir þeim reglum og leiðbeiningum sem settar hafa verið. Það gerir slökkviliðið í þeirri vona að álagið sökum Covid-19 minnki og flutningum fækki.

- Auglýsing -

Einn óbólusettur liggur nú á gjörgæslu Landspítalans, viðkomandi er yngri en 60 ára og er hann í áhættuhóp. Nú liggja alls átta sjúklingar á Landspítalanum vegna Covid-19 , þeir eru á aldursbilinu 40 til 70 ára. Fimm af þeim voru lagðir inn á spítalann í gær. Ástandið á spítalanum er ekki gott en spítalinn var komin á hættustig þegar einungis eitt tilfelli af Covid-19 hafði borist til innlagnar. Ljóst er að gríðarlegt álag er á spítalanum sem hefur verið að kalla fólk úr sumarfríi og fresta töku sumarfría.

Tveir heimilismenn á elliheimilinu Grund við Hringbraut eru smitaðir af Covid-19 og er það rakið til starfsmanns sem var í vinnu smitaður í síðustu viku. Lokið hefur verið við að skima alla þá heimilismenn sem komust í tæri við téðan starfsmann, það á eftir að koma í ljós hvort um fleiri aðila er að ræða en þá tvo sem þegar hafa fengið staðfest smit. Þeir smituðu eru í einangrum inni á herbergjum sínum og eru þeir einkennalitlir.

Play air hefur tilkynnt að frá og með fimmtudeginum 29. júlí mun engin farþegi geta flogið til Íslands með flugfélaginu, nema að geta framvísað vottorði um neikvætt Covid-19 próf við innritun. Paly tók ákvörðunina með öryggi farþega sinna og áhafna í huga sem og reglugerðar heilbrigðisyfirvalda sem tóku gildi 27. júlí síðast liðinn. Sú reglugerð segir að farþegar þurfi að verða sér úti um vottorð sem staðfestir neikvætt Covid-19 próf, áður en haldið er til Íslands. gildir þetta líka um Íslendinga þó þeir eigi að vera undanþegnir samkvæmt reglugerð.

- Auglýsing -

Óbólusettir ferðamenn eru farnir að valda verulegum vandræðum en fjölgað hefur mikið í sóttkví og einangrun hjá sóttvarnarhúsunum sem í notkun eru. Pláss eru að verðu uppurin og það blasir þá við að ekki sé pláss fyrir þá sem þurfa mest á þvi að halda. Ástandið er því allt annað en gott í sóttvarnarhúsum Rauða krossins  sem Gylfi Þór Þorsteinsson stýrir.

Boðað er til upplýsingafundar á morgun, fimmtudaginn 29. júlí klukkan 11:00.

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Covid herjar á Grunnskólann á Ísafirði: „Smitin eru nú orðin fjögur í 1. bekk“

Fjögur börn eru smituð af Covid í 1. bekk í Grunnskólanum á Ísafirði. þetta kemur fram í...

Nýtt í dag

Mest lesið í vikunni

- Auglýsing -