Útlendingar sem búsettir eru hér á landi gefa ekki mikið fyrir formlegheit og stundvísi Íslendinga. Þeir furða sig hreinlega á því hvers vegna okkur tekst ekki að mæta á þeim tíma sem gefinn er upp.
Það er Tanja nokkur sem stofnar til umræðunnar inni í hópi útlendinga á Facebook sem hér búa. Þar segir hún:
„Hvers vegna eru svona margir óformlegir og óstundvísir á Íslandi? Ég er búinn að vera bíðandi eftir mikilvægum skjölum sem áttu að berast mér um miðjan dag. Síðar bað viðkomandi mig um að minna sig á ef hann væri ekki mættur klukkan fimm. Þá hringdi ég í hann en hann sagðist þá vera upptekinn, að hann myndi koma með þetta til mín seinna. Núna er klukkan 20:30 og ég er enn að bíða. Mér líður eins og þetta sé lélegur brandari. Ég hef oft þurft að bíða eftir fólki í meira en klukkustund og þetta er svo pirrandi að það gerir mig vitlausa,“ segir Tanja.
Stefán kannast vel við vandamálið og reynir oft að snúa á íslenska vini sína. „Ég er alltaf að reita þá til reiði. Ef þeir segja matur klukkkan sjö þá mæti ég á slaginu,“ segir Stefán
Daníel biður alla um að láta þetta ekki fara í taugarnar á sér. „Það skiptir mestu máli að verða ekki pirraður. Læra að búast aldrei við neinu. Ef þeir segjast ætla að koma í dag, gerðu þá ráð fyrir að þeir komi á morgun og þetta á við um ALLTSAMAN,“ segir Daníel.
Hákon er á sama máli. „Eins og Jeremy Paxman sagði eitt sinn: „Aldrei treysta Íslendingi. Orð manna hér á landi eru ótrúlega ódýr og hafa enga þýðingu. Ég á enn í vandræðum með þetta eftir fimm ára búsetu. Besta leiðin mín gegn þessu er að leiða hjá mér öll loforð þeirra. Því þeir mundu svíkja þau. Til fjandans með þau. Fylgdu bara þinni eigin áætlun og mættu þeim í þeirra eigin leik,“ segir Hákon.