2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Blómkálssteikur – fljótlegur sælkeragrænmetisréttur

Þetta góða hráefni býður upp á ótal möguleika í eldamennsku og er að auki hagkvæmt fyrir budduna. Blómkálssteikur er frábær létt aðalmáltíð eða dýrindis meðlæti sem töfra má fram með lítilli fyrirhöfn.

 

Blómkálssteikur með gráðostasósu og furuhnetum

fyrir 4

1 blómkálshöfuð
2 msk. ólífuolía
1 tsk. Maldon-salt
1 dl rjómi
85 g gráðostur
2 msk. rjómaostur
1 tsk. svartur pipar
50 g furuhnetur
2 msk. fersk steinselja, söxuð

Hitið ofninn í 200°C. Skolið blómkálshöfuðið og skerið það í þykkar sneiðar. Raðið sneiðunum á bökunarplötu með bökunarpappír. Dreypið olíunni yfir og stráið saltinu ofan á. Bakið í um 25 mín. eða þar til blómkálið byrjar að brúnast örlítið. Útbúið sósuna á meðan blómkálið bakast.

AUGLÝSING


Setjið rjóma, mulinn gráðost, rjómaost og pipar í pott og bræðið saman við meðalhita. Hrærið í þar til osturinn hefur bráðnað. Ristið furuhneturnar á þurri pönnu þar til þær byrja að brúnast.

Raðið blómkálssteikunum á disk, hellið sósunni yfir og dreifið furuhnetum og steinselju ofan á. Berið fram strax.

Lestu meira

Annað áhugavert efni