2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Kokkalandsliðið á blússandi siglingu – vann til tvennra gullverðlauna í Stuttgart

Íslenska kokka­landsliðið vann til tvennra gull­verðlauna á Ólymp­íu­leik­um mat­reiðslu­meist­ara, IKA Culinary Olympics, í Stutt­g­art í Þýskalandi.

„Ég er ótrú­lega ánægður og þakk­lát­ur. Landsliðið hef­ur lagt ótrú­lega mikið á sig bæði í und­ir­bún­ingi og keppn­inni hérna úti og þau upp­skera glæsi­lega,“ seg­ir Björn Bragi Braga­son for­seti Klúbbs mat­reiðslu­manna um árangurinn, en hann er staddur með liðinu í Stutt­g­art.

Í gær keppti liðið í svokölluðu „Hot Kitchen“ og vann þar til gullverðlauna og lauk því keppni með því að taka gull í báðum sín­um keppn­is­grein­um.

AUGLÝSING


Í tilkynningu sem liðið sendi frá sér af þessu tilefni kemur fram að á síðustu árum hafi liðið raðað inn gull­verðlaun­un­um á alþjóðleg­um mót­um sem hef­ur tryggt því stöðu eins fremsta landsliðs í heimi. Mikill undirbúningur hafi verið fyrir keppnina nú, m.a. hafi liðið æft stíft undanfarna átta mánuði og hátt í fjögur ton af búnaði hafi verið send til Stuttgarts þar sem setja þurfti upp fullbúið eldhús á staðnum. Fyrir utan það hafi talsvert magn af hráefni verið sent til Þýskalandsi þar sem liðið leggi áherslu á að nota sem mest af íslensku hráefni í matargerðina.

„Þetta hefði þó ekki verið hægt án allra þeirra sem leggja okk­ur lið við að kom­ast hingað út,“ tekur Björn Bragi fram. „Ég verð sér­stak­lega að þakka Mat­ar­auði, Íslands­stofu, Ísey skyri og MS sem hafa verið með okk­ur í þessu verk­efni og gert okk­ur kleift að ná þess­um ár­angri.“

Lestu meira

Annað áhugavert efni

Nýjast á Mannlíf.is

Nýjast á Gestgjafanum