Baguette með góðri fyllingu í nestiskörfuna

Efnisorð

Deila

- Auglýsing -

Mörgum finnst maturinn bragðast betur úti undir berum himni og nota hvert tækifæri til að taka með sér nesti til að snæða úti í guðsgrænni náttúrunni. Þessi er ómissandi í nestiskörfuna.

Baguette með góðri fyllingu

fyrir 4

4 msk. smjör
2 baguette-brauð
2 camembert eða annar góður
hvítmygluostur, skorinn í sneiðar
1 epli, skorið í sneiðar
½ poki (20 g) klettakál
1 dl berjasulta eða týtuberjasulta

Skerið inn í hliðina á baguettebrauði en ekki alla leið svo það sé fast saman á annarri hliðinni. Smyrjið með smjöri. Raðið ostsneiðum, eplasneiðum og klettakáli á brauðið og setjið sultu ofan á. Lokið brauðinu og skerið í passlega bita.

Samlokur eru alltaf hentugur matur í ferðalagið. Það má gera góða samloku frábæra með því að mala pipar yfir í lokin eða saxa ferskar kryddjurtir. Kryddaður rjómaostur, ólífur, laukur eða kryddmauk gera venjulega samloku að sælkeramat.

Texti / Sigríður Björk Bragadóttir
Myndir / Karl Petersson
Stílisti / Ólöf Jakobína Ernudóttir

- Auglýsing -

Athugasemdir

Lestu meira