Taylor Swift spókar sig um á Hafnartorgi

Söngkonan Taylor Swift sést í auglýsingum fyrir Hafnartorg.

Margt fólk hefur undanfarið undrað sig á auglýsingaskiltum fyrir Hafnartorg, svæðið sem er að smella saman við höfnina í Reykjavík.

Auglýsingaskiltin sýna hvernig svæðið mun koma til að líta út þegar allt er tilbúið. En það sem vakið hefur athygli er að bandaríska söngkonan Taylor Swift prýðir eitt auglýsingaskiltið sem notað er í kynningu á svæðinu.

Á myndinni má sjá Swift á röltinu um Hafnartorgið í rauðri kápu og horfa inn um búðarglugga. Bent hefur verið á að á upprunalegu myndinni af Swift, sem notuð var í auglýsingaskiltið, er Swift í grænni kápu.

Vakin er athygli á þessu meðal annars á Twitter og í Facebook-hópnum Markaðsnördar. Þar er spurningunni varpað fram hvort einhver trúi því að þetta sé gert með samþykki Taylor Swift.

AUGLÝSING


Umrætt auglýsingaskilti má sjá á vef ÞG verk.

Ekki missa af þessum

Engar færslur fundust.

Annað áhugavert efni

Nýjast á Mannlíf.is