Egill Helgason sjónvarpsmaður minnist Harry Belafonte sem lést í gær, 96 ára að aldri, í Facebook-færslu.
Sjónvarpsmaðurinn góðkunni birti hlekk á plötu sem Harry Belafonte gaf út ásamt grísku söngkonunni Nana Mouskouri, árið 1965. Segir Egill að það sé vitnisburður um snilli Belafonte, hversu vel hann fari með grísku textana á plötunni.
„Harry Belafonte, sá stórkostlegi söngvari, gerði árið 1965 plötu ásamt grísku söngkonunni Nana Mouskouri. Þessi plata inniheldur lög eftir tónskáldið dáða Manos Haidjidakis og er algjör dýrgripur. Flutningur þeirra frábær, lögin sérlega falleg. Og það segir manni hvílíkur meistari Belafonte var hvað hann fer einstaklega vel með grísku textana. Þetta er ein af mínum uppáhaldsplötum – mæli með að hlustað sé á hana alla. Eins og í svo mörgum kvæðum er sungið um mánann.“
Hér má hlusta á hinu yndislegu plötu og minnast þannig eins fallegasta manns sögunnar.