Rúmlega 200 fermetra einbýlishús, í einu eftirsóttasta hverfi í Garðabæ, er komið á sölu. Fasteignasalan Lind er með eignina á skrá hjá sér en húsið stendur við Bæjargil 75, í grónu og rólegu hverfi. Bílskúr er innbyggður en húsið teiknaði Kjartan Sveinsson.
Garðurinn umhverfis húsið er svo sannarlega fyrir fólk með græna fingur en þar má finna matjurtarbeð og gróður sem hefur fengið gott viðhald. Lóðin er alls 700 fermetrar, með stærðarinnar sólpalli.
Húsið er á tveimur hæðum en á þeirri efri eru tvennar svalir. Aðrar svalirnar snúa í suður og gengið er út á þær úr hjónaherbergi. Hinar svalinar eru um 30 fermetrar og býður upp á ótal möguleika.
Efri hæð hússins er björt og snýr stærðar gluggi út á svalirnar sem eru að hluta til yfirbyggðar. Þrjú svefnherbergi eru á efri hæð og möguleiki er að loka af sjónvarpshol og bæta þannig við fjórða herberginu.
Snyrtilegt baðherbergi á efri hæð. Takið eftir hillunum við baðkarið – Frábær nýting á rýminu.
Frekari upplýsingar og myndir má nálgast á síðu fasteignasölunnar.