Einn fallegasti maður landsins – körfuboltasnillingurinn og landsliðsmaðurinn Kristófer Acox úr Val er genginn út.
Kristó, eins og Kristófer er yfirleitt kallaður, hefur lengi verið talinn með flottari mönnum Íslands og toppmaður í alla staði; frábær einstaklingur innan vallar sem utan.
Örvar Amors hitta enn í mark og gera vonandi um ókomna framtíð.
Það var arkitektaneminn Ólavía Grímsdóttir sem fangaði hjarta Kristófers – en þau birtu fallega mynd af sér saman sem sést efst í greininni; og greinilegt að neistinn er orðinn að báli.
Ólavía er ekki síður falleg en Kristófer, og þau sprengja í raun alla mælanlega krúttskala í tætlur og fara ástfangin inn í nýtt og vonandi gott ár.
Mannlíf sendir þeim sínar bestu kveðjur og segir bara:
Til hamingju bæði!