Michelle er stödd á Íslandi – Þykir landið líkjast Mars

Bachelorette stjarnan Michelle Young er stödd á Íslandi um þessar mundir. Ekki er langt síðan að hún tilkynnti sambandsslit þeirra Nayte Olukoya en hafði parið verið trúlofað í tæpt ár. Michelle skellti sér á fjórhjól með vinkonum sínum og skrifaði inn á myndina: Ísland eða Mars?

Ekki er langt síðan Michelle greindi frá því að hún ætlaði að taka sér pásu frá samfélagsmiðlum. Pásan entist ekki lengi þar sem hún vildi ólm sýna fylgjendum sínum frá ferðalaginu til Íslands.

,
„Sannir vinir eru þeir sem þurrka tárin þín, minna þig á að bera höfuðið hátt og hoppa með þér í flugvél til Íslands á síðustu stundu, þegar þú biður þá um það,“ skrifar Michelle í einni færslunni.