Arnaldur Indriðason rithöfundur lenti í hrikalegri uppákomu á ferðalagi sínu í Tíblisi í Georgíu þar sem hann var á ferð með Magnúsi Kjartanssyni tónlistarmanni og fleirum. Þeir félagar slysuðust til að kaupa sér chili-kássu sem leiddi til heiftralegrar salmonellusýkingar.
Magnús segir frá þessu í frábæru viðtali við Jóntan Garðarsson á Rás 1. Um var að ræða tónleikaferð til Sévétríkjanna sálugu með Hljómsveit Björgvins Halldórssonar. Arnaldur var með í för sem blaðamaður. Þegar sýkingin kom upp fengu þeir daglega sprautur sem leiddu til þess að Magnúsi batnaði. Arnaldur endaði aftur á móti sárveikur inni á spítala í Moskvu. Þegar kom að heimför til Íslands var ekki möguleiki að fá blaðamanninn unga útskrifaðan. Þeir félagar tóku því þá ákvörðun að ræna Arnaldi af spítalanum.
„Arnaldi er rænt bara í kolniðamyrkri af spítalanum. Þetta er um miðja nótt í Moskvu og allt slökkt, engin umferðarljós,“ segir Magnús.
Farið var með sjúklinginn á hótelið og þaðan á út á flugvöll. Hann var svo máttfarinn að þeir félagar þurftu að styðja hann. Magnús bíður þess að sagan spretti fram í glæpasögu Arnaldar …