Frétt Mannlífs um að slúðurberar á samfélagsmiðlum hefðu farið mannavillt þegar Sölvi Tryggvason fjölmiðlamaður var borinn sökum um að hafa misþyrmt vændiskonu vakti gríðarlega athygli. Sölvi hefur nánast verið í útlegð í rúmt ár eftir að mál hans kom upp og tvær konur lögðu fram kærur á hann fyrir óljósar sakir. Annarri kærunni hefur verið vísað frá en hin er enn í kerfi lögreglunnar.
Sú umdeilda Edda Falak hefur tekið að sér að vera einskonar refsinorn í þessum málum. Hún brást við frétt Mannlífs á Twitter með því að hnýta í fjölmiðilinn og segja að umfjöllunin, sem byggð var á upplýsingum frá lögreglu, sé til „skammar“. Edda áréttaði að Sölvi hefði verið kærður af tveimur konum á sínum tíma en sleppti því að geta þess að önnur kæran er fallin um sjálfa sig. Hún hundeltir Sölva, burtéð frá því hvað lögregla eða dómstólar gera með mál hans og ekki má hrekja rangfærslur. Fæstir vita í dag hvaða sakir voru bornar á Sölva …