Lögguleikur á Seyðisfirði

Nokkurt fjölmiðlafár gaus upp á Seyðisfirði í gær á meðan ráðherrar sýndu sig í bænum  til að votta íbúum stuðning og samhug. Í heimsókninni var Katrínu Jakobsdóttur forsætisráðherra kippt til hliðar vegna meimtra hótana. Síðan birtist hún aftur og þá varin í bak og fyrir af sérsveitarmönnum. Fjölmiðlafár gaus upp og var því lýst að forsætisráðherranum vinsæla hefði verið hótað lífláti. Sigríður Björk Guðjónsdóttir ríkislögreglustjóri var með í ferðinni og líklegt að hún hafi stjórnað viðbrögðum. Þegar leið á daginn var upplýst að heimamaður hefði staðið fyrir „hótuninni“ sem þó hafi ekki verið ýkja róttæk. Upplýst var að sá sem um ræðir er Jon­a­t­han Moto Bisagni, Bandaríkjamaður búsettur á Seyðisfirði. Vildi hann velta Katrínu upp úr því að hamfarirnar hefðu verið fyrirsjáanlegar og vanrtæksla á ábyrgð stjórnvalda en ekki ófyrirsjáanleg náttúruvá. Hann vísaði til þess að tveimur árum fyrr hefði verið haldinn fundur á Seyðisfirði þar sem varað hafði verið við aurskriðum og hvernig ætti að láta fólk vita ef það þyrfti að rýma bæinn.  Málið allt ber þess einkenni að löggan hafi talið stórhættulegan mann á ferð fremur en mótmælanda sem vildi koma á framfæri óánægju sinnni og reiði vegna kæruleysis …