Svandís Svavarsdóttir, ráðherra sjávarútvegsmála, er í vanda vegna strandveiðanna. Gríðarlegur fjöldi báta stundar veiðarnar, allt í kringum landið. Enda til mikils að vinna þar sem fiskverð er í hæstu hæðum. Mikil óánægja er á meðal sjómanna á tilteknum svæðum þar sem um er að ræða heildarkvóta og allir bátarnir verða að hætta samtímis þegar kvótinn er búinn. Sjómenn á norðausturlandi telja sig vera sérstaklega svikna vegna þess að þeir neyðist til að veiða smærri fisk. Nú hefur Svandís boðað að hún vilji taka upp svæðaskipulag eins og var á árum áður en breið sátt var um núverandi fyrirkomulag.
Allt er komið í bál og brand vegna þessa. Meðal þeirra sem beina spjótum sínum að ráðherranum er Lilja Rafney Magnúsdóttir varaþingmaður sem bendir á að VG hafi þá stefnu að auka jöfnum höndum kvóta til strandveiða. Lilja hefur hótað því að segja sig úr Vinstri grænum. Inga Sæland, formaður Flokks fólksins, sakar Svandísi um að gæla við kvótakónga með aðför að strandveiðimönnum …