Þorsteinn Már fékk afslátt

Salan á Vísi í Grindavík til Síldarvinnslunnar og þar með Samherja sem fer með ráðandi hlut í félaginu, hefur vakið upp mikla reiði en jafnframt undrun þeirra sem þekkja til í sjávarútvegi. Verðlagningin á fyrirtækinu upp á rúma 30 milljarða króna þykir vera langt undir því sem kvóti þess gefur til kynna. Fullyrt er að önnur stórfyrirtæki í sjávarútvegi hefðu greitt allt að 50 milljörðum króna ef fyrirtækið hefði verið boðið til sölu á almennum markaði. Vandinn er sá að sá umdeildi Þorsteinn Már Baldvinsson, stjórnarformaður Síldarvinnslunnar og forstjóri Samherja, og félagar hans sömdu um kaupin í bakherbergjum. Langvarandi tengsl Samherja og Vísis eru til staðar. Um árabil átti Samherji sinn mann í stjórn Vísis án þess að skýring fengist á ástæðunni fyrir þeim ráðahag. Í Grindavík flýgur fyrir að ítök Samherja í Vísi hafi ráðið því að fyrirtækið rennur inn á Síldarvinnsluna á undirverði. Talið er eðlilegt að Samkeppniseftirlitið og skatturinn skoði söluna í þessu ljósi …