Miklar breytingar virðast vera í lífi Jóhönnu Guðrúnar og hennar fjölskyldu þessa dagana. Fyrst bárust fregnir þess efnis í byrjun september að hún og eiginmaður hennar Davíð Sigurgeirsson væru skilin að borði og sæng, en þau giftu sig í Garðakirkju fyrir þremur árum síðan.
Nú fyrr í vikunni birtust í fréttamiðlum þau tíðindi að Jóhanna Guðrún væri komin með nýjan kærasta og strax í kjölfarið bárust fregnir af því að nýja parið ætti von á barni.
Það nýjasta er að nú hefur Jóhanna Guðrún og fyrrum eiginmaður hennar, sett einbýlishús sitt í Hafnarfirði á sölu. Þau keyptu húsið um mitt ár 2018, en það er staðsett við Hrauntungu 6 í Hafnarfirði.
Eins og sjá má á meðfylgjandi myndum af vef fasteignasölunnar, Heimili Fasteignir, er húsið hið glæsilegasta.
