Miðvikudagur 29. júní, 2022
14.8 C
Reykjavik

Dæmdur fyrir að ráðast á unglingspilt – Kýldi hann ítrekað í höfuðið þar sem hann lá í götunni

Helgarviðtalið

- Auglýsing -

Orðrómur

- Auglýsing -

Héraðsdómur Austurlands dæmdi nýverið karlmann til fimm mánaða skilorðsbundins fangelsis fyrir líkamsárás en hann réðist á unglingspilt þar sem hann lá í götu.

Árásin átti sér stað í austfirsku þéttbýli skömmu eftir verslunarmannahelgina árið 2020, samkvæmt Austurfrétt sem skrifaði um málið í dag.

Játaði hinn ákærði alfarið á sig sök í málinu, að hann hafi veist að unglingspilti, kýlt hann ítrekað í höfuðið og hendur þar sem hann lá í götunni, auk þess að sparka með hné í bak hans. Við þessa árás marðist pilturinn, skrámaðist og hlaut eymsli.

Var maðurinn dæmur í fimm mánaða fangelsisvistun, sem er skilorðsbundin til þriggja mánaða. Ástæðan fyrir skilorðsbindingunni var sú að maðurinn játaði verknaðinn og bótaskyldu en einnig vegna tafa sem urðu á málinu hjá lögreglunni og ákæruvaldinu.

Var maðurinn að auki gert að greiða fórnarlambinu 300.000 krónur í miskabætur en fór pilturinn fram á eina milljón. Einnig þarf maðurinn að greiða um 450.000 krónur í laun lögmanna.

Maðurinn á að baki sér talsverðan brotaferil en síðastliðinn desember var hann dæmdur í þriggja mánaða fangelsi, þar af einn mánuð óskilorðsbundið, fyrir minniháttar líkamsárás og kynþáttaníð sumarið 2020. Þá var hann sektaður í janúar á síðasta ári fyrir þjófnað og óhlýðni við fyrirmæli lögreglu.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -