Seyðisfjörður er á lista yfir 17 fallegustu smábæjum heims, samkvæmt tímaritinu Travel + Leisure.
Í inngangi greinarinnar segir að fyrir hverja Parísarborg, Róm eða Lundúnarborg, eru hundruðir lítilla evrópskra bæja sem fanga anda þjóða sinna. „Frá pínulitlu íslensku þorpi
sem er umlukið stórkostlegu landslagi til ævaforns sjávarþorps við Svartahafið, hér eru 17 smábæir í Evrópu sem þú getur bætt við á ferðalistann.“
Seyðisfjörður er í hópi með bæjum á borð við Otranto á Ítalíu, Zermatt í Sviss, Sozopol í Búlgaríu og Pyrgy, Grikklandi.
Í greininni er Seyðisfjarðabær sagður falinn innst í dramatískum firði. Þar segir einnig að þó bærinn hafi ekki nema um 700 íbúa, sé þar að finna iðandi listalíf, fjölbreytt magn gistihúsa, kráa og veitingastaða, þar með talinn besta Sushi matsölustað Íslands.
Þá er sagt að stígur yst í þorpinu sem leiðir mann að steypta hljóðlistaverkinu Tvísöngur sem umkringt er gullfalegu útsýni.