Björgvin Páll og Karen eiga von á barni: „Ólétt án þess að þurfa aðstoð”

Efnisorð

Deila

- Auglýsing -

Björgvin Páll Gústavsson, markvörður íslenska karlalandsliðsins í handbolta og Karen Einarsdóttir, eiginkona hans, eiga von á sínu fjórða barni. Björgvin segist rekja óléttuna beint til aukinnar testserónframleiðslu.

„Við eigum þrjú börn núna eftir níu meðferðir, en svo kemur eitt bara óvænt,” segir Björgvin Páll Gústavsson, markvörður íslenska karlalandsliðsins í handbolta, í nýjasta hlaðvarpsþætti Sölva Tryggvasonar, þar sem hann greinir frá því að hann og Karen Einarsdóttir, eiginkona hans, eigi von á sínu fjórða barni.

Er þetta í fyrsta sinn sem Karen verður ólétt án þess að þau hjónin þurfi aðstoð og segist Björgvin rekja óléttuna beint til aukins testósteróns. Hann hafi í mörg ár verið með allt of lágt testósterón sem hann tengir við margra ára sístreituástand. Eftir að hafa lagt sig fram við að skilja ástand sitt og unnið hörðum höndum að því að koma líkamskerfinu sínu í betra stand kveðst hann sjá gríðarlegan mun. Meðal annars hafi hann náð að tvöfalda testósterón-magnið í líkama sínum með öndunaræfingum, breyttri næringu og betri hvíld.

„Svo kemur sá tímapunktur að konan mín verður ólétt og þá áttar maður sig á því að þetta hefur allt áhrif,” segir Björgvin.

Eins og kunnugt er skrifaði Sölvi uppgjörsbók Björgvins, Björgvin Páll Gústavsson – án filters, fyrir ári en þar lýsir Björgvin andlegu og líkamlegu hruni sínu. Björgvin hefur undanfarið eitt og hálft ár unnið hörðum höndum að því að koma líkamskerfinu sínu í betra stand. Í þætti Sölva segist hann hafa verið í blóðprufum síðan hann hrundi. Meðgangan núna „súmmeri” í raun mjög fallega upp sitt ferðalag. Hér að neðan er hægt að horfa á viðtalið í heild sinni.

- Auglýsing -

Athugasemdir

Lestu meira

Guðlaug og Albert eignast son: Skírður í höfuð Gumma Ben

Guðlaug Elísa Jóhannsdóttir, fyrirsæta, og Albert Guðmundsson, knattspyrnumaður, eignuðust frumburð sinn, son, í gær.„Guðmundur Leó Albertsson. Þessi...