Miðvikudagur 29. júní, 2022
12.8 C
Reykjavik

Flottur réttur í kvöldmatinn, matarboðið eða klúbbinn

Helgarviðtalið

- Auglýsing -

Orðrómur

- Auglýsing -

Fimmtudagar eru hinir nýju föstudagar og gaman að gera vel við sig í mat og drykk. Pottréttir eru afslappandi og kjarngóður matur sem eru tilvaldir í kvöldmatinn ekki síst ef bjóða á í matarboð eða klúbb. Hér er uppskrift af geggjuðum pottrétti sem hægt er að græja með litlum fyrirvara.

 

Kókos-kjúklingapottréttur með basilíku
fyrir 4

700 g úrbeinuð kjúklingalæri
gróft sjávarsalt
nýmalaður svartur pipar
olía til steikingar
1 stór rauðlaukur, saxaður smátt
4-6 hvítlauksgeirar, saxaðir smátt
2 jalapeno-aldin, fræhreinsuð eftir smekk og söxuð smátt
u.þ.b. 3 cm bútur ferskt engifer, rifinn fínt
1 dós kókosmjólk
hnefafylli fersk basilíka, gott að nota stilkana með
hnefafylli ferskur kóríander, gott að nota stilkana með
1 ½ msk. karríduft
½ tsk. chili-duft
börkur af 1 límónu
1-2 dl kasjúhnetur, ristaðar og
saxaðar gróft (má sleppa)
1 msk. maízena-mjöl
1 msk. kalt vatn
límónusafi, eftir smekk
hnefafylli fersk basilíka
hnefafylli ferskur kóríander
ristaðar kókosflögur

Kókos-kjúklingapottréttur með basilíku er flottur réttur í kvölmatinn, matarboðið eða klúbbinn. Mynd/Hákon Davíð Björnsson

Stráið salti og pipar á kjúklinginn. Hitið olíu á pönnu og steikið kjötið þar til það hefur brúnast fallega, best er að gera þetta í 2-3 skömmtum. Takið af pönnunni og setjið til hliðar. Setjið rauðlauk út á pönnuna og steikið í nokkrar mín.

Bætið þá hvítlauk, jalapeno og engifer saman við og steikið áfram í nokkrar mín. Setjið kókosmjólk, kryddjurtir, krydd og límónubörk í matvinnsluvél eða blandara og maukið vel saman. Setjið kjúklinginn aftur út á pönnuna og hellið kókosmjólkurblöndunni saman við ásamt ristuðum kasjúhnetum.

Hrærið létt í og látið malla undir loki við vægan hita í u.þ.b. 30 mín. eða þar til kjúklingurinn er eldaður í gegn. Hrærið saman maízena-mjöl og kalt vatn og hellið út í, hrærið í þar til vökvinn er farinn að þykkna aðeins. Bragðbætið með salti, pipar og límónusafa eftir smekk.

- Auglýsing -

Saxið ferska basilíku, kóríander og kókosflögur gróft og dreifið yfir þegar rétturinn er borinn fram með t.d. með hrísgrjónum og naan-brauði.

Umsjón / Kristín Dröfn Einarsdóttir
Mynd / Hákon Davíð Björnsson
Stílisti / Hanna Ingibjörg Arnarsdóttir

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -