Katrín Jakobsdóttir forsætisráðherra er með 68 prósentum hærri laun en Jóhanna Sigurðardóttir var með fyrir 12 árum síðan er sú síðarnefnda sat í sama stól. Þessu heldur sósíalistaforinginn Gunnar Smári Egilsson fram á spjallsvæði flokksins.
Svona hljóða útreikningar Gunnar Smára:
„Árið 2009 varð Jóhanna Sigurðardóttir forsætisráðherra og fékk 935 þúsund. kr. í laun fyrir starfið. Það eru rétt rúmlega 1,4 m.kr. á verðlagi dagsins, 16,9 m.kr á ári. Í dag er Katrín Jakobsdóttir forsætisráðherra og fær fyrir það 2.360.053 kr. á mánuði sem gera 28,3 m.kr. á ári. Katrín er með 68% hærri laun en Jóhanna miðað við verðlag dagsins í dag, 11,4 m.kr. meira á ári, tæplega 46 m.kr. meira á kjörtímabili.“
Hörður áttar sig bara ekkert á þessum mun. „Skil ekki fyrir hvað Katrín fær laun yfirhöfuð,“ segir Hörður. Nafna forsætisráðherrans Þorsteinsdóttir skilur ekkert í þessum launum. „Þetta eru allt of há laun.. þarf að breyta þessu,“ segir Katrín.
Benedikt nokkur telur Katrínu forsætisráðherra líklega stadda í röngum stjórnmálaflokki. „Er Kata ekki full gráðug?…..ætli hún eigi ekki betur heima í „sjálfgræðisflokknum“?,“ spyr Benedikt. Sigtryggur er með ákveðna lausn. „Ef að það myndu vera sett “hámarks-laun” frekar en lágmaks-laun þá myndi flest fólk hafa það frekara næs,“ segir Sigtryggur.