Svisslendingur að nafni Bruno Hans Muller, keypti nýverið þakíbúð á Austurbakka 2 í Reykjavík á 495 milljónir króna, en þetta kemur fram á vefnum eirikurjonsson.is.
Segir þar að Bruno vilji fá að innrétta íbúðina dýru, en íbúðina keypti Svisslendingurinn fokhelda.
En hver er Hans Bruno Muller?
Ekki er að hafa miklar upplýsingar um manninn, annað en að hann er skráður í Þjóðskrá Íslands, og er fæddur árið 1952; er með skráð heimili í Sviss, en ekki hér á landi; það mun væntanlega breytast fljótlega; gangi framkvæmdir við íbúðina vel.
Í frétt Eiríks Jónssonar kemur þetta einnig fram:
„Bruno Hans Muller, Sviss. Sótt er um leyfi til að breyta innra skipulagi í íbúð 0603 í Bryggjugötu 2, í mhl. 05, á lóð nr. 2 við Austurbakka. Erindi fylgir umboð eiganda dags 16. september 2022, bréf hönnuðar dags. 20.september 2022 og yfirlit breytinga.Vísað til athugasemda.”