Vítalía Lazareva er hætt á Instagram. Er þetta í annað skiptið sem hún hættir.
Ein mest áberandi kona ársins 2022, Vítalía Lazareva er hætt á Instagram. Hefur hún staðið í ströngu frá því að hún steig fram í brjun síðasta árs og sagði frá ástarsambandi sínu við Arnar Grant, sem þá var giftur og meintum brotum nokkurra vina Arnars, gegn sér. Sakaði hún þá um að fara yfir strikið kynferðislega gegn henni í heitum potti sem þau voru öll í en um sumarbústaðaferð var að ræða. Þá sagði hún að Logi Bergmann sjónvarpsmaður hefði einnig brotið á sér er hann kom inn á þau Arnar á hótelherbergi. Hafa þeir allir neitað sök en lögreglan rannsakar að minnsta kosti pottamálið.
Í byrjun sumars 2022 hætti Vítalía á öllum samfélagsmiðlum en snéri aftur í ágúst er hún birti myndir af sér frá Ítalíu þar sem hún naut lífsins síðsta sumar. Það var svo í október að hún birti myndskeið á samfélagsmiðli sínum þar sem hún sést rífast við Arnar Grant og kalla hann meðal annars lygara og sturlaðan. Stuttu síðar bað hún um hjálp á Twitter, sagðist búin á sál og líkama. Svo virðist sem hún hafi náð sér að fullu en hún birti myndir af sér úr skólanum en hún stundar nám í matvælafræði af kappi en hún er annálaður bakari. Á gamlárskvöld birti hún svo færslu á Instagram þar sem hún sagðist spennt fyrir nýja árinu. „Tilbúin í næsta ár og allt sem það hefur uppá að bjóða,
Krefjandi ár að baki og oft sem batteríin voru tóm, en til þess að læra þá verðum við að lifa.“
Hvergi hefur hún útskýrt brotthvarf sitt af Instagram en það gæti einfaldlega verið vegna þess að hún var orðin þreytt á þeim samfélagsmiðli.