Verðbólga. Stýrivextir. Seðlabankastjóri. Heimilin í landinu. Verðhækkanir. Frost. Fasteignamarkaður. Verðtryggingar. Greiðslumat. Stýrivaxtahækkanir. Óverðtryggt á föstum og/eða breytilegum vöxtum. Ekkert er fast í hendi. Allt er breytingum háð. Íbúðalán og leiguverð. Kjarabarátta. Efling. Verkföll. Samtök atvinnulífsins. Verkbann. Ríkissáttasemjari. Allir sáttir. Allir vinna. Illu er bestu aflokið. Skattaskil. Skattaskýrsla. Framtalskvíði. Formannslagur. VR. Hann sagði, hún sagði. Enginn sagði neitt. Dómsmálaráðherra Íslands selur líkkistur.
Taugalæknir sagði heldur ekki neitt. Virti beiðnir sjúklings að vettugi. Tími. Landspítali Háskólasjúkrahús. Veikindi. Bálstofur. Bálreiðir. Samkeppni. Dauðinn er dýr. Eins manns dauði er annars brauð. Enginn sagði neitt. Dómsmálaráðherra Íslands selur líkkistur.
Streptókokkar. Covid og kossageit. Inflúensa. Innlagnir og spítalinn fullur. Nýr spítali. Ekkert pláss fyrir sjúklinga. Veika einstaklinga.
Týndir einstaklingar. Lögreglan. Sérsveitin. Leitað í fjörum og á sjó. Hvað er að frétta af samningum við sjómenn? Eskifjörður. Dýraníð og drekkingar. Enginn vissi neitt. Dómsmálaráðherra selur líkkistur.
Sjónvarpið. Söngvakeppni sjónvarpsins. Fyrsta sætið í Júróvísjon. Djammið. Byssuskot og árásir. Miðbærinn og haglabyssur. Skaut, skotið föstum skotum. Handbolti. Karlalandsliðið. Undankeppni í Evrópumótið. Ósætti. Hauslaus her. Her hér. Íslenskur her. Stríð í Evrópu. Dómsmálaráðherra Íslands selur líkkistur. Twitter. Hamagangur. Rifrildi. Ríkir menn rífast. Ísland best í heimi. Nú verða lesnar dánartilkynningar. Samt bannað að skrifa um minningargreinar. Morgunblaðið. Af jörðu ertu komin/n að jörðu skaltu aftur verða. Enginn má neitt.Dómsmálaráðherra Íslands selur líkkistur.
Lindarhvoll. Leyndarhyggja. Leyndarmál. Enginn má sjá. Falið að fela ekki. Greinargerð. Greinaskil. Dómsmálaráðherra faldi hagsmunaárekstur.Enginn sá neitt; Dómsmálaráðherra Íslands selur líkkistur.
Veður. Sól. Frost. Það birtir alltaf til.
P.s. Dómsmálaráðherra Íslands selur líkkistur.
Lestu þennan pistil og fleiri í nýjasta tölublaði Mannlífs.