Umboðsmaður Alþingis gerði með bréfi til Katrínar Jakobsdóttur forsætisráðherra í gær athugasemd við rafbyssumál lögreglunnar; telur umboðsmaður að góðrar stjórnsýslu hafi eigi verið gætt; ræðir skort á samráði.
„Nei, þetta er alls enginn áfellisdómur yfir minni stjórnsýslu. Það er mikilvægt að hafa í huga að umboðsmaður kemst að þeirri niðurstöðu að ég hafi ekki brotið nein lög,“ segir Jón Gunnarsson dómsmálaráðherra í samtali við Fréttablaðið.
Segist Jón dómsmálaráðherra hafa verið í fullum rétti til að taka ákvörðun þessa, segir mörg fordæmi fyrir henni; reglum um vopn lögreglumanna hafi áður verið breytt án þess að umræða yrði um það í ríkisstjórn, að minnsta kosti tvisvar sinnum.
„Mér finnst þetta á mörkunum hjá umboðsmanni og ekki rökstutt með neinum fordæmum af hans hálfu,“ segir Jón.
Kemur fram að þingflokkur Pírata telur málið afar alvarlegt; hafa Píratar sent forseta Alþingis beiðni um umræðu í þinginu um þettamál og stöðu Jóns, en þeir telja að hann þurfi og eigi að segja af sér.
„Það þurfti ekki þetta mál til að Píratarnir kalli eftir afsögn minni. Helst myndu þeir vilja hafa mig undir grænni torfu,“ sagði Jón að endingu.