Afar sérkennilegt mál skekur Ástralíu um þessar mundir; en ástralskri konu er dæmd var fyrir að myrða fjögur börn sín hefur nú verið sleppt úr haldi eftir tvo áratugi í tukthúsinu.
Morðinginn heitir Kathleen Folbigg og var hún kölluð versti raðmorðingi Ástralíu, eftir að hún var dæmd og fangelsuð fyrir tuttugu árum.
Kathleen var fundin sek um þrjú morð; eitt manndráp.
Sögðu saksóknarar að hún hefði kæft börnin sín; en þau voru á milli níu vikna og þriggja ára í aldri er móðirin endaði líf þeirra.
Kathleen hélt því statt og stöðugt fram að hvert og eitt dauðsfall hefði orsakast af náttúrulegum völdum.
Fyrir tveimur árum undirrituðu tugir ástralskra sem og erlendra vísindamanna nafn sitt á lista þar sem þeir hvöttu til þess að Kathleen yrði látin laus úr haldi; þeir sögðu að ný gögn í málinu bentu til þess að dauði barnanna tengdist afar sjaldgæfum erfðafræðilegum stökkbreytingum; eða meðfæddum göllum.
Michael Daley, sem er ríkissaksóknari í Nýju Suður-Wales, sagði að Kathleen hefði verið sleppt að lokinni rannsókn er stóð yfir í meira en eitt ár.
Rannsóknin leiddi í ljós efasemdir er vörðuðu sekt hennar; og nú er Kathleen frjáls á nýjan leik.