Það getur verið áskorun að raða saman húsgögnum, lömpum, málverkum og smáhlutum svo úr verði ein hugguleg heild þar sem notalegt er að vera saman.
Sumir eru sífellt að breyta og endurraða, mála veggi, færa listaverkin og skipta út gólfmottum á meðan aðrir vilja hafa stofuna sína eins ár eftir ár. Hvor týpan sem þú ert þá er alltaf gaman að fá hugmyndir um það hvernig er hægt að raða upp og skapa skemmtilega stofu.
Panell, falleg ljós og mublur með sál skapa hlýlegt og einstakt stofu- og borðstofurými. Fáir en vel valdir hlutir fyrir þá sem kjósa mínimalískan lífsstíl.Það er svolítil retro-stemning í þessari stofu og græni liturinn aðal!Þarna er klassískri hönnun blandað saman við tekkhúsgögn og útkoman er smart og hlýleg stofa með flotuðu gólfi sem er alls ekki kuldalegt.Grænn Polder-sófi setur mikinn svip á þessa stofu ásamt stóra málverkinu fyrir ofan hann. Bækur, listmunir og fallegt útsýni í rými sem sameinar stofu og borðstofu.Gráir tónar og ljósar mottur í bland við bláa tóna. Bækur, kertastjakar og ljósar og léttar gardínur setja svo punktinn yfir i-ið.
