- Auglýsing -
Gunnar Jóhann Gunnarsson, sem var dæmdur fyrir að verða hálfbróður sínum að bana með skotvopni í norska smábænum Mehamn í apríl fyrir tveimur árum, hefur verið látinn laus úr haldi.
Samkvæmt heimildum Mannlífs dvelur Gunnar nú hjá fjölskyldumeðlimum á La Marina svæðinu á Spáni en Norðmenn þurfa ekki vegabréf til ferða innan Evrópu.
Gunnar var dæmdur í 13 ára fangelsi í héraði sem lögmannsréttur lækkaði niður í 5 ár. Saksóknari áfrýjaði þeirri niðurstöðu til Hæstaréttar og fékk Gunnar lausn í framhaldinu að kröfu lögmanns síns en lögreglan krafðist áframhaldandi gæsluvarðahalds. Meðal þess sem rétturinn tók tilliti til var löng einangrunarvist Gunnars en samkvæmt norskri réttarhefð jafngildir hver klukkustund í einangrun einum degi í almennnri fangelsisvist.
Gunnar hefur ávallt haldið því fram að um slysaskot hafi verið að ræða og að skot hafi hlaupið úr byssunni við átök þeirra bræðra. Skotvopnasérfræðingur sem kallaður var fyrir dóm bar að skot gæti hafa hlaupið úr án snertingar vegna bilunar í vopninu.