Lögreglu barst tilkynning rétt fyrir klukkan fimm í morgun um alvarlega líkamsárás í Úlfarsárdal. Ekki kemur fram í dagbók lögreglu hvort einhver hafi verið fluttur á slysadeild en málið er í rannsókn. Það var klukan hálf tíu í gærkvöldi sem lögreglu barst tilkynning um líkamsárás. Tveir voru handteknir en þolandi slasaðist lítillega.
Í miðborginni voru fjórir menn handteknir vegna húsbrots, allir gistu í fangaklefa. Í Breiðholti var lögregla einnig kölluð út vegna húsbrots og þó nokkuð mikið var um tilkynningar vegna fólks í annarlegu ástandi. Í miðbænum datt maður og slasaði sig á höfði. Hann var fluttur með sjúkrabíl á bráðamóttöku til aðhlynningar. Þá sinnti lögregla einnig reglubundnu umferðareftirliti en samkvæmt dagbók lögreglu var nóttin heldur annasöm.