Það þykir vel til fundið hjá stórn Festar að ráða Ástu Sigríði Fjeldsted sem forstjóra í stað Eggerts Þóres Kristóferssonar sem rekinn var af óskiljanlegum ástæðum eftir að hafa skilað methagnaði árum saman. Eggert Þór varð reyndar uppvís að þvík að hafa sýnt Vítalíu Lazereva samúð eftir að hún ljóstraði upp um áreyti sem hún sagðist hafa orðið fyrir í heitum potti við sumarhús Þórðar Más Jóhannessonar, fyrrverandi stjórnarformanns Festar. Þórður Már sagði af sér og Eggert var rekinn nokkru síðar. Ekki hefur enn verið útkljáð hvað gerðist í pottinum en kært var á báða bóga.
Laun Eggerts voru ekki af lakari taginu eða 4,9 milljónir á mánuði að sögn Kjarnans. Ásta Sigríður hefur stjórnað Krónunni undanfarin ár með frábærum árangri. Laun hennar þar voru 3,3 milljónir króna á mánuði samkvæmt Stundinni. Nú er þess beðið hvort hún fái ekki sömu laun og forverinn og fullkomið jafnrétti sé í þeim efnum innan félagsins …