Björn Ingi Hrafnsson blaðamaður segir það staðreynd að albanska mafían sé búin að hreiðra um sig í Reykjavík. Þar vísar hann í skotárás í Rauðagerði í nótt en talið er að málið sé uppgjör í undirheimum. Báðir eru albanskir. Lögreglan hefur lítið viljað segja um málið.
Björn Ingi segir á Facebook að það sorglegt slík öfl hafi komið sér fyrir í Reykjavík. Hann nefnir sérstaklega að lögreglan sé óvopnuð almennt í Reykjavík. Albanska mafían er gífurlega útbreidd og með fótfestu í flestum löndum Evrópu. Hún minnir mest á ítölsku mafíuna í starfsháttum og helst tengd fíkniefnaviðskipum og vændi.
„Lögreglan hér á landi hefur lengi talið aðeins tímaspursmál hvenær albanska mafían léti til sín taka í íslenskum undirheimum. Víða í Evrópu, ekki síst á Norðurlöndum, hefur harkan í glæpaheiminum aukist um allan helming með tilkomu hennar. Það er sorglegt ef litla saklausa borgin okkar með óvopnaðri lögreglu er orðin vettvangur slíkra afla,“ skrifar Björn Ingi.