• Orðrómur

Björn Leví: Það sem er að er fólkið

Helgarviðtalið

- Auglýsing -

Orðrómur

- Auglýsing -

Björn Leví Gunnarsson, þingmaður Pírata, segir vandamálið við Alþingi vera fólkið. Hann segir ljóst að þingið muni ekki lagast fyrr en endurnýjun hafi átt sér stað því það geti verið erfitt að kenna gömlum hundi að sitja.

Þingmaðurinn veltir upp þeirri spurningu hvað sé að Alþingi í aðsendri grein í Morgunblaðinu í dag. Hann telur svarið vera mjög einfalt, það er fólkið sem þar starfar og vinnubrögðin sem þar eru stunduð. „Það er endurtekinn krókur á móti bragði. Í hvert einasta sinn sem einhver finnur upp bragð til þess að koma málstað sínum á framfæri þá er því svarað með krók. Næst þarf þá nýtt bragð og nýjan krók og svo framvegis. Afleiðingin er löng röð af brögðum og krókum í einhverjum hliðarveruleika sem enginn utanaðkomandi skilur hvernig virkar,“ segir Björn Leví.

Björn segir að þeir sem koma nýir inn á þing þurfi að vera fljótir að læra inn á hvernig kaupin eru stunduð á þinginu og inn á alla útúrsnúningana á reglunum sem í raun breyti tilgangi reglnanna. „Þetta fyrirkomulag hentar þeim flokkum sem kunna á kerfið. Þeim flokkum sem bera ábyrgð á því hvernig kerfið virkar af því að þetta eru þeirra brögð og þeirra krókar, sem hafa komið okkur á þann stað þar sem við erum. Þess vegna er nauðsynlegt að endurnýja allt af og til. Til þess að gera óskrifuðu reglurnar aðgengilegar. Til þess að laga útúrsnúninga í reglunum. Til þess að uppfæra í takt við nýja tíð og tíma. Þetta á ekki bara við um reglurnar heldur líka fólkið, því það er erfitt að kenna gömlum hundi að sitja,“ segir Björn og bætir við:

„Nýjar og uppfærðar reglur breyta nefnilega ekki sjálfkrafa þeirri hegðun sem birtist bak við tjöldin. Brögðin og krókarnir eru enda yfirleitt hluti af þeim mannlegu samskiptum sem reglurnar ná ekki til. Ástæðan fyrir þessu er fólk sem velur að beita þessari aðferð. Fólk sem velur að láta stjórnarsamstarf og þingið virka á þennan hátt. Við erum með fólk á þingi sem velur að hóta samstarfsaðilum sínum. Hvað er þá eiginlega að á þessu Alþingi? Fólk.“

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Nýtt í dag

Mest lesið í vikunni

Í fréttum er þetta helst...

- Auglýsing -