• Orðrómur

Davíð líkir Covid-faraldrinum við flensu – „Varla nokkur maður veikur“. Grímur eru gervivörn

Helgarviðtalið

- Auglýsing -

Orðrómur

- Auglýsing -

Morgunblaðið fordæmir í dag fréttaflutning af sýkingum vegna Covid og telur að veikindi fólks vegna veirunnar sé blásin upp.

„Við verðum rauð „og það er ekkert sem getur komið í veg fyrir það,“ sagði „RÚV,“ sem elskar að mata hræðslufréttir ofan í þá sem neyddir eru til að halda þeirri stofnun uppi,“ skrifar Davíð Oddsson, leiðarahöfundur Moggans í dag.
Hann bendir á að rauði liturinn merki að allt sé komið í stórkostleg óefni og allir þeir sem
séu með á nótunum hljóti að forðast landið, „morandi í veirum, eins og rauðan eldinn“.
Morgunblaðið hefur í einskonar bandalagi við Útvarp Sögu, undanfarin ár, veist ítrekað að Ríkisútvarpinu og stjórnendum þess og sakað um margskonar spillingu.
„Hvað er það sem gerir okkur þau örlög að mála eigin sjálfsmynd rauða út á við, þótt varla sé nokkur maður veikur hér í alvörunni vegna kórónuveiru? Hvaða endemis
vitleysa er þetta?“ spyr Davíð.

Davíð Oddsson

Hann rifjar upp að sagt hefði verið á RÚV að „tveir heimilismenn á Grund væru í einangrun í 10 daga,“ en þeir fyndu þó engin minnstu merki um lasleika, og skildu ekki alveg hvers vegna þeir væru lokaðir inni! Hann spyr hvort RÚV ætli að halda áfram að segja frá því á hverjum degi, næstu árin, að þrír séu með hita á Eir, löngu eftir að veiran er farin.
„Við eru komnir með fár sem lætur minna fyrir sér fara en venjuleg flensa hvert einasta ár,“ skrifar Davíð og leggur svo enn lykkju á leið sína til að bölsótast yfir RÚV og lýsa frati á grímunotkun.
„En af hverju heldur „RÚV“ áfram þessum heimskulega hræðsluáróðri að þjóðinni. Af
hverju eru verslanir og bensínstöðvar að halda uppi grímuskyldu hér og hvar, en annars
staðar ekki svo almenningur veit ekki sitt rjúkandi ráð. Þótt nú berist reglulega fréttir erlendis frá um að miðlung grímur, svo ekki sé minnst á hinar lakari, séu langoftast hrein gervivörn á veirutímum“.

Aðaleigandi Morgunblaðsins er Guðbjörg Matthísasdóttir auðkona í Vestmannaeyjum.

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Nýtt í dag

Mest lesið í vikunni

Í fréttum er þetta helst...

- Auglýsing -