Íslandsvinurinn og Jackass-liðsmaðurinn Bam Margera hefur haft það erfitt í gegnum ævina og meðal annars glímt við fíkniefnavandamál en sem betur fyrir hann og hans nánustu hefur hann verið edrú undanfarna sex mánuði.
Hjólabrettakappinn lenti hins vegar í því í seinustu viku að slasa sig alvarlega á hjólabretti og þarf hann að notast við hækjur til að komast milli staða. Dannii Marie, kærasta Margera, hefur haft áhyggjur að sársaukinn sem fylgdi slysinu muni verða til þess að Margera byrji að nota fíkniefni aftur og náðust þau á upptöku að rífast heiftarlega um málefnið. Á upptökunni sakar Marie hann Bam um að hafa laumast út af hótelinu sem þau voru gestir á til að nota fíkniefni.
Í fjölmiðlum vestanhafs segir Margera að kærasta hans hafi aðeins haft áhyggjur af honum en hann hafi tekið þvagprufu til að sanna fyrir henni að hann væri ennþá edrú. Hann segir að hún sé aðalástæða þess að hann er ennþá edrú.
Hægt er að horfa á myndband af atvikinu hér.