Fleiri tilkynna ofbeldi gegn börnum

Fram­kvæmda­stýra Kvenna­at­hvarfs­ins segir fleiri skjólstæðinga tilkynna ofbeldi gegn börnum en áður.

Fleiri kon­ur en nokkru sinni hafa við komu til Kvennaat­hvarfs­ins greint frá því að of­beldi gegn börn­um hafi átt sér stað á heim­ili þeirra, að því er fram kemur í samtali Sigþrúðar Guðmundsdóttur, framkvæmdastýru Kvennaathvarfsins við mbl.is. Segist Sigþrúður vona að vitundarvakning sé ástæðan fyrir þessari aukningu.

Þá segist Sigþrúður reikna með að aðsókn í þjónustu Kvennaathvarfsins aukist í haust. Konur tilkynni oft ekki strax um heimilisofbeldi og því líkur á að ofbeldismál sem hafi komið upp í COVID-19 faraldrinum eigi eftir að koma fram.