Helgi Pétursson, talsmaður Gráa hersins og frambjóðandi til formanns Landssambands eldri borgara, hefur fengið sig fullsaddan af afskiptum ríkisins og eftirlit ríkisins. Hann segir það stjörnuvitlaust að skipa fólki að hætta að vinna um sjötugt. Flestir eru í fullu fjöri en neyðast til að hætta. Þetta sagði hann í Silfrinu í gær á RÚV.
Helgi, sem er oft kenndur við Ríó tríó, er nýkominn á þennan aldur, er 72 ára. „Þá er bara komið skotleyfi á mann. Þá er verið að krukka í það hvaðan maður hefur tekjur. Fær maður einhverja aukapeninga, aukahluti? Það eru heilu deildirnar í einhverju ríkisbatteríi sem fylgjast með manni,“ sagði Helgi í gær.
Helga var heitt í hamsi og vildi hann vita hvers vegna heilu skrifstofurnar jafnvel störfuðu við þetta. „Hvað kemur hinu opinbera við hvenær ég hætti að vinna, hvað eruð þið að skipta ykkur af því eiginlega? Svo bara borga ég skatta eins og allir aðrir. Þið þurfið ekkert að grauta í þessu af því að ég er 67 ára.“