• Orðrómur

Hildur krýnd – Arnþrúður áfrýjar

Efnisorð

Deila

- Auglýsing -

Góð vika – Hildur Guðnadóttir

„Mér líður eins og landsliðinu,“ sagði tónskáldið og nýbakaði Óskarsverðlaunahafinn Hildur Guðnadóttir þegar hún var spurð að því í vikunni hvort hún hefði undanfarið fundið fyrir stuðningi þjóðarinnar. Hildur hefur, eins og kunnugt er, slegið í gegn vestanhafs fyrir tónlist sína í þáttunum Chernobyl og kvikmyndinni Joker sem hefur fært henni hver verðlaunin af öðrum undanfarnar vikur og mánuði. Síðasta sunnudag gerði hún sér síðan lítið fyrir og vann Óskarinn fyrir tónlistina í Joker og bar þannig sigurorð af goðsögnum á borð við Robbie Robertsson og John Williams. Með sigrinum skráði Hildur nafn sitt á spjöld sögunnar því hún er fyrsti Íslendingurinn sem vinnur verðlaunin eftirsóttu. Hildur hefur eðlilega ástæðu til að vera glöð og stolt, rétt eins og þjóðin öll, því eins og menntamálaráðherra, Lilja Alfreðsdóttir, benti á hefur hún með sigrinum skrifað mikilvægan hluta íslenskrar menningarsögu.

Slæm vika – Arnþrúður Karlsdóttur

- Auglýsing -

Gæfan virðist ekki brosa við Arnþrúði Karlsdóttur, útvarpsstjóra Útvarps Sögu, þessa dagana. Arnþrúður var í vikunni dæmd í Héraðsdómi Reykjavíkur til að greiða Reyni Traustasyni, fyrrverandi ritstjóra DV og núverandi stjórnarmanni Stundarinnar, 300 þúsund krónur í miskabætur vegna ærumeiðandi ummæla sem hún lét falla um Reyni á Útvarpi Sögu. Arnþrúður ætlar að sækja um leyfi til að áfrýja dómnum til Landsréttar, en þetta hljóta að vera mikil vonbrigði engu að síður fyrir Arnþrúði. Og það í kjölfar þess að hún varð af starfi útvarpsstjóra RÚV, sem Arnþrúður segist hafa verið í lokaúrtaki fyrir, eins og fram kom í þættinum Línan er laus á Útvarpi Sögu. Já, vonbrigði á vonbrigði ofan fyrir Arnþrúði sem hefur um árabil mátt þola árásir af ýmsu tagi og fyrir það eitt að halda úti einu frjálsu og óháðu útvarpsstöðinni og berjast ötullega fyrir óheftu málfrelsi á landinu.

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -