Brynjar Níelsson er mikill húmoristi, um það er varla deilt, og þó. Umdeildur er hann. Í nýrri færslu á Facebook gerir hann gys að yfirlýsingu Eddu Falak sem hún birti á Facebook í gærkvöldi.
Sjá einnig: Edda Falak vildi hlífa sér og þeim sem sýndu henni vanvirðingu: „Ég er breysk eins og annað fólk“
Í færslunni segist Brynjar vera mikill lygari og þess vegna hafi hann valið sér störf í gegnum árin sem henta vel til að „uppfylla þessa ríku þörf til að hagræða sannleikanum eða ljúga blákalt.“ Segist hann því hafa mikla samúð með „lygurum þegar á þá er ráðist.“ Þá segist í dag aðallega stunda lygarnar á Facebook en reyni þó að ljúga ekki upp á saklaust fólk. Segist hann að lokum vonast eftir stuðning og læk frá fræga fólkinu vegna þessarar játningar.
Hér má lesa færsluna alla:
„Ég er lygalaupur mikill og má segja að ég sé lyginni líkastur. Því hef ég valið mér störf í gegnum tíðina sem henta vel til að uppfylla þessa ríku þörf til að hagræða sannleikanum eða ljúga blákalt. Ég hef því mikla samúð með lygurum þegar á þá er ráðist. En ég hef komist að því á langri ævi að lygin hentar illa í pólitískum aktivisma til lengri tíma og einfaldar sannanlega málin ekki, jafnvel þótt við kölluð hana missögn.
Þó nokkrir hafa svarað færslunni en athugasemdirnar eru allar jákvæðar gagnvart innihaldinu. Ólikindatólið Jakob Bjarnar Grétarsson blaðamaður skrifaði til dæmis: „Þú gleymdir myllumerkinu! #afsakið“ sem Brynjar svaraði að bragði: „Ah, klikka alltaf á aðalatriðunum.“