Ebólulyf á leiðinni til Íslands gegn COVID-19

Von er á ebólu-lyfinu Remdesivir til Íslands á næstu dögum en tilraunir benda til þess að það reynist vel í baráttunni við COVID-19 veirusjúkdóminn. Lyfið geri það með því að stytta bataferli þeirra sem veikjast alvarlega.

Magnús Gott­freðsson, sér­fræðing­ur í smit­sjúk­dóma­lækn­ing­um, staðfesti í samstali við Morgunblaðið að von væri á lyfinu til landsins og er hann því feginn. „Þetta er fagnaðarefni og mjög góðar frétt­ir,“ sagði Magnús.

Remdesivir er lyf sem þróað var sem meðferð við ebóla-veirunni skæðu og virðist það gagnast við meðferð COVID-sjúklinga.