Forseti Íslands, Guðni Th. Jóhannesson, heldur í dag til Noregs þar sem hann er heiðursgestur á 100 ára afmælishátíð Íslendingafélagsins í Osló og nágrenni.
Guðni Th. Jóhannesson, forseti Íslands, mun einnig eiga fund með Haraldi V. Noregskonungi, í ferð sinni til Noregs.
Svokallaðir Ísdagar verða haldnir í Osló dagana 19.-21. október, með veglegri menningardagskrá sem Íslendingafélagið stendur fyrir. Tilefnið er það að öld er liðin frá stofnun félagsins en það var á fullveldisdaginn 1. desember árið 1923. Talið er að þar hafi um 30 til 40 Íslendingar búið en í dag eru rúmlega 9.000 íslenskir ríkisborgarar skráðir til heimilis í Noregi en starf Íslendingafélagsins er virkt.
Samkvæmt tilkynningu sem barst frá forsetaembættinu er Kvöldvaka meða Íslendingakórnum og Óperugala með íslensku tónlistarfólki, meðal viðburða sem Guðni sækir á afmælishátíðinni. Þá mun forsetinn opna myndlistasýninguna Frá fyrstu kynnum í Gamle Much safninu en þar verða sýnd verk íslenskra og norskra listakvenna en síðar mun hann setja þar barnamenningarhátíð. Aukreitis mun forsetinn taka þátt í kynningu Norsk-íslenska viðskiptaráðsins á íslenskum fyrirtækjum með starfsemi í Noregi og einnig opna bókmenntahátíð í Litteraturhuset sem helguð verður íslenskum bókmenntum. Og ekki er Guðni alveg sloppinn enn því hann mun einnig verða heiðursgestur í móttöku borgarstjóra Oslóar fyrir meðlimi Íslendingafélagsins.
Forsetinn snýr svo aftur til Íslands á sunnudaginn.