2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Gæti tapað ævisparnaðnum

Margar íslenskar fjölskyldur sitja í sárum á Tenerife eftir að allir íslenskir ferðamenn voru reknir af eyjunni í síðasta mánuði. Fjölskyldurnar hafa lífsviðurværi sitt af þjónustu við Íslendinga og bíða spenntar eftir því að þeir fari að streyma aftur til þessa vinsæla viðkomustaðar þjóðarinnar. 

Fjallað er um málið í nýjasta tölublaði Mannlífs.

„Þetta er auðvitað mikið sjokk og rosalega erfitt andlega. Ég er hreinlega með allan ævisparnaðinn undir og hef lagt allt mitt í þetta,“ segir Halla Birgisdóttir veitingamaður sem i síðasta sumar opnaði veitingastaðinn Bambú fyrir Íslendinga á Tenerife. Halla óttast að fá til sín fáa sem enga Íslendinga það sem eftir lifir ársins.

„Ég mun aldrei skella í lás, uppgjöf er ekki í boði og ég skal ekki horfa upp á bátinn minn sökkva.“

„Mér finnst hræðilegt að vera nýbúin að stofna fyrirtæki og þetta er gríðarleg fjárfesting. Það hefur tekið mikinn tíma og tekið mikið á að koma staðnum af stað. Ég var mjög sátt við viðtökurnar og það var bjart fram undan. Síðan kom bara þessi skellur og óvissan er mjög óþægileg,“ segir Halla og óttast að þurfa að fara aftur á byrjunarreit þegar ferðaþjónustan fer af stað á eyjunni á nýjan leik.

AUGLÝSING


„Ég sakna Íslendinganna verulega mikið og mér hefur fundist ofboðslega gaman að vinna við þetta. Nú veit ég ekki hvort ég þurfi að byrja allt upp á nýtt við að koma staðnum á flug eða jafnvel að finna upp alveg nýtt konsept fyrir annan kúnnahóp. Við tilhugsunina fæ ég hroll niður hrygginn en ég er engu að síður reynslunni ríkari eftir þetta. Ég mun aldrei skella í lás, uppgjöf er ekki í boði og ég skal ekki horfa upp á bátinn minn sökkva.“

Fjallað er um málið í nýjasta tölublaði Mannlífs.

Lestu meira

Annað áhugavert efni

Nýjast á Mannlíf.is

Nýjast á Gestgjafanum