Alexander Klimek óskar eftir aðstoð, á fésbókarsíðu sinni, við að manngreina tvo einstaklinga sem brutu rúðu með bremsudisk til að komast inn á verkstæði þar sem hann starfar, í Kópavogi. Hann birtir myndir úr eftirlitskerfi fyrirtækisins og eru gæði myndanna góð. Sjá má færsluna hans til dæmis á fésbókarsíðunni Brask og brall (allt leyfilegt).
Miklar umræður og margar ábendingar eru á þræðinum og benda margir á að umræðir konur – ef ekki báðar þá önnur. Einstaklingarnir hafa hulið andlit sín en ef vel er að gáð má sjá listilega plokkaðar augabrúnir annars aðilans.
Aðspurður af einum meðlimi hvort fleiri eftirlitsmyndavélar séu á svæðinu svarar Alexander: „Alveg hellingur. Er að fá upptökur á morgun. Það sást rauður Avensis a vettvangi kyrrstæður með hazard ljós á.“
Staðfestir þá annar á hafa séð til þessa pars á rauðri gamalli Toyota Avensis fyrr um daginn.
Hér kemur textinn sem Alexander birtir í heild:
„Þessir tveir brutust inná verkstæðið hjá okkur klukkan 6 í morgun. Ef einhver kannast við þessa gutta þá má endilega hafa samband við mig í síma 776-8170“