Gunnar Ingi Valgeirsson segir að fólk með fíknivanda þurfi meiri aðstoð
Gunnar Ingi Valgeirsson segir biðlista eftir fíknimeðferð alltof langan en hann hefur verið sjálfur verið edrú í tæpa níu mánuði. Um það bil 800 manns eru að bíða eftir að komast í meðferð og bendir á að SÁÁ skorti fjármagn til að starfa allt árið.
„Það eru sex vikur á ári þar sem það er lokað. Þá bætist bara við þennan lista,“ sagði Gunnar Ingi í samtali við RÚV um málið. „Ég meina krabbamein fer ekkert í sumarfrí.“
„Þegar þú ert í neyslu þá ertu á þessum stað þar sem þú vilt ekki gefast upp, vilt ekki játa þig sigraðan af sjúkdómnum,“ sagði Gunnar Ingi. „Þá fara allar hömlur, þú missir alla stjórn. Þú ert búinn að tapa stríðinu, þá fer líf þitt í vaskinn á meðan,“ og hann hafi sjálfur þurft að bíða í hálft ár á biðlista.
„Lífið hrynur á meðan. Ég er alltaf að byggja lífið upp á nýtt og það verður alltaf erfiðara og erfiðara. Ég átti konu, á barn. Það fór allt í vaskinn á meðan ég var á biðlista. Maður er ekkert að stjórna á meðan, það er ekki hægt.“