- Auglýsing -
Gústaf Níelsson sparar yfirleitt ekki stóru orðin og segir og skrifar það sem honum býr í brjósti; í raun góður mannkostur, kannski upp að vissu marki, en skoðanaharka fólks getur vissulega farið öfugt ofan í aðra.
Gústaf pælir lítið í því og lætur alltaf bara vaða:
„Það er skammarlega illa búið að gömlu fólki á Íslandi og þessar aðstæður eru trúlega ekki einsdæmi á Íslandi nútímans,“ segir kempan og bætir við:
„Á sama tíma ráðgera stjórnmálamenn að henda 50 milljörðum út um „loftslagsgluggann“ á næstu árum, svo bjarga megi heiminum frá ofhitnun.“
Og þetta:
„Þeir splæsa líka 10 milljörðum á ári í tilhæfulausa hælisleitendur og fylla landið af erlendu glæpahyski með ærnum tilkostnaði“ og segir að „stjórnmálamönnum virðist ómögulegt að skilja að skyldur þeirra eru fyrst og fremst við eigin landsmenn, sem hafa með striti sínu byggt upp þetta land.“
Gústaf heldur því fram að „fyrir þennan pening mætti léttilega byggja og reka elli- og hjúkrunarheimili með myndarbrag um allt land.
Vonandi er ég ekki eini maðurinn sem er búinn að fá nóg af þessari skammsýni stjórnmálanna.“