Parið Sólrún Alda Waldorff og Rahmon Anvarov slösuðust alvarlega í bruna í kjallaraíbúð í Mávahlíð aðfararnótt miðvikudags. Var Sólrún Alda flutt á sjúkrahús í Stokkhólmi þar sem hún berst fyrir lífi sínu.
„Þau eru sterk og eru að standa sig eins og hetjur,“ segir Þórunn Alda Gylfadóttir, móðir Sólrúnar Öldu. „Okkur langar til þess að þakka öllum fyrir allan þann stuðning og jákvæðu hugsanir sem þið hafið gefið frá ykkur, þessi jákvæða orka hjálpar okkur og þeim mikið.“
Rahmon berst fyrir lífi sínu á sjúkrahúsi hér heima.
Sjá einnig: Bænastund í Grindavíkurkirkju fyrir konuna sem slasaðist í brunanum í Mávahlíð
Ljóst er að mikil og erfið endurhæfing er framundan hjá Sólrúnu Öldu og Rahmon og mikill kostnaður sem henni fylgir og baráttunni sem parið stendur í. Styrktarreikningur hefur verið stofnaður fyrir þau.
„En á erfiðum tímum sem þessum er mikilvægt að standa saman og hjálpast að. En um leið og við þökkum öllum fyrir þessa hlýju og jákvæðu strauma viljum við benda á þennan styrktarreikning sem verður notaður til að hjálpa þeim í endurhæfingunni sem verður löng og ströng. Reikningsnúmer: 0370-26-014493 Kennitala: 1911932379 ef þið viljið leggja þeim lið, þar sem mikill kostaður fylgir þessari baráttu. Takk fyrir hjálpina, við erum ykkur ævinlega þakklát.“
Munum að margt smátt gerir eitt stórt. Mannlíf sendir baráttukveðjur til unga parsins.
Reikningur 0370-26-014493, kennitala 1911932379.