Foreldrar barna á leikskólanum Árbæ á Selfossi brá í brún þegar þeim barst tilkynning frá leikskólanum þann 26.október síðastliðinn. Í tilkynningunni var foreldrum tjáð að frá og með 2.nóvember yrði skólinn Hjallastefnuskóli. Töluverð óánægja er meðal foreldra en stór munur er á stefnu Árbæjar og Hjallastefnu. Vísir greindi frá málinu í morgun en þar var rætt við eina móður sem sagði breytinguna í raun vera skerðingu á leikskólaplássum. Þá sagði hún börnin þurfa að vaka upp einn daginn og fara í allt annan leikskóla.
Í kjölfar tíðindanna skapaðist umræða um málið í Facebook-hópnum „Íbúar á Selfossi“ og virðist fólk almennt hissa. „Það var enginn að búast við því að einum leikskólanum yrði breytt í Hjallastefnuleikskóla,“ segir einn íbúi. „Við héldum að það væri verið að opna nýjan leikskóla og að foreldrar gætu þá ráðið hvort þeir sendu börnin þangað eða ekki. En þau voru sem sagt bara að spá í að breyta einum leikskólanum og það vantar leikskólapláss“.