- Auglýsing -
Nú stefnir allt í að Kanaríeyjar leggi niður allar samkomutakmarkanir og sóttvarnaraðgerðir fyrir sumarið.
Grímuskylda er í öllum almenningssamgöngum, á flestum almenningsstöðum og utandyra þar sem ekki er hægt að halda fjarlægð við aðra.
„Líkurnar á nýju afbrigði veirunnar sem veldur sömu vandræðum og þær fyrri eru litlar,“ segir José Juan Alemán, landlæknir Kanaríeyja í samtali við spænska fjölmiðla.
Spánn hefur nú þegar minnkað takmarkanir til muna á landamærunum. Ferðamenn yfir 12 ára aldri frá áhættusvæðum, þar á meðal Íslandi, þurfa þó að sýna fram á neikvætt PCR próf, vottorð um fyrra Covid smit eða fulla bólusetningu.