„Eftir átta skimanir og einangrun í Ungverjalandi þá bíður okkar dvöl í sóttvarnarhúsi fram á næsta þriðjudag í næstu viku…… alveg eðlilegt bara,“ skrifar Jörundur Áki Sveinsson knattspyrnuþjálfari sem var með 21.árs liðinu, á Twitter.
Í gærkvöld komu til landsins tvö landslið í fótbolta, 21. Árs liðið og A- liðið. Þeir leikmenn sem búsettir eru hér á landi flugu saman heim frá Sviss en gættu þess að halda fjarlægð. Annað liðið sat aftast í vélinni en hitt framar. Nýjar reglur tóku gildi sama dag varðandi landamæri og áhættusvæði svo örlög liðanna við komuna til landsins voru ekki þau sömu. Vísir greindi fyrst frá.
Gaddavír á Leifstöð
A- liðið mátti fara heim til sín og taka út fimm daga sóttkví þar en 21.árs liðið og allt þeirra fylgdarlið varð að sæta fimm daga dvöl í sóttvarnarhúsi. Í Leifsstöð má geta þess að girt var á milli þeirra sem þurfa að fara í sóttvarnarhús og annarra með gaddavírsgirðingu. Það er gert svo fólk reyni ekki að sleppa við vistina.
Ósáttir með vistunina
Sumir hafa ekki legið á skoðunum sínum yfir þeim örlögum að þurfa að eyða næstu fimm dögum í sóttvarnarhúsi. Sæbjörn Steinke, fréttaritari sem fylgdi 21.árs liðinu birti á Twitter myndband af máltíð sem hann fékk með orðunum „Svo mikið key að bjóða upp á rifinn ost og lax saman í máltíð.“
Í tísti Snæbjörns í morgun má skilja sem svo að leita eigi réttar síns varðandi vistunina. Í tístinu segir „Ég veit fyrir víst að Höddi löpp er í sambandi við lögfræðing. Læt vita ef ég heyri meira. Löppin gekk inn með glænýja ps4 fjarstýringu í gærkvöldi. Passið ykkur á honum í hinu gúlaginu.“
Myndbandið af matnum sem Snæbjörn tísti um má sjá hér.
Hafliði Breiðfjörð birtir mynd á Instagram af gaddavírsgirðingu sem skilur að liðin tvö. Hafliði segir að þessu fylgi frelsissvipting sem er meiri en í fangelsi. Hann velltir því upp hvort ekki megi kalla þetta sóttvarnarfangelsi.
Bæði lið höfðu viðkomu á hááhættusvæðum
21.árs liðið hefur verið að spila á Evrópumótinu í Ungverjalandi sem telst til dökkrauðs lands. A- liðið hefur verið að fara á milli Þýskalands, Armeníu og Sviss og spiluðu auk þess í Liechtenstein sem einnig er dökkrautt land. Hér má finna lista yfir þau lönd sem eru á lista fyrir sóttvarnarhús
Furðulegar reglur
Af hverju gilda þá svona mismunandi reglur um liðin tvö? Annað fær að fara heim í sóttkví en hitt ekki. Ástæðan virðist vera sú að A- liðið stoppaði skemur en 24 klukkustundir í Liechtenstein. Þetta verða að teljast undarlegar reglur sem farið er eftir á Íslandi því ekki spyr Covid – 19 að því hvað fólk er búið að dvelja lengi á svæðinu áður vírusinn læsir sig í viðkomandi. Þegar fólk sem er að koma frá dökkrauðu svæðum sem teljast til hááættusvæða, skyldi maður nú ætla að jafnt gengi yfir alla sama hve lengi hefði verið dvalið á hááhættusvæðinu.
í gær 1.april 2021 greindust sex með Covid- 19, einn utan sóttkvíar. Hér má sjá nýjustu tölur inn á Covid.is