• Orðrómur

Lítill slaki hjá World Class vegna COVID-19

Helgarviðtalið

- Auglýsing -

Orðrómur

- Auglýsing -

Íslensk fyrirtæki koma misjafnlega til móts við neytendur á tímum kórónuveirunnar.

Farbannið sem gildir á Íslandi hefur í för með sér ýmsar aðgangstakmarkanir á fjölförnum stöðum. Líkamsræktarstöðvarnar hafa brugðist við ástandinu með ólíkum hætti.

Stjórnendur Reebok Fitness tilkynntu á föstudag að öllum stöðvum yrði lokað tímabundið á meðan ástandið gengi yfir. Fyrirtækið hefur dregið þetta til baka. Á mánudag var tilkynnt að tækjasalir verði opnir en fólki er gert að virða tveggja metra fjarlægðarreglu við aðra gesti og gæta að hreinlæti. Sauna og heitir pottar verða lokaðir. Vegna þessa ákvað Reebok að koma til móts við áskrifendur. „Allar áskriftir haldast óbreyttar og þessi tími sem um takmarkaða þjónustu er að ræða, bætist aftan við núverandi áskrift þeirra þeim að kostnaðarlausu.“ Á miðvikudag tilkynnti fyrirtækið svo að hóptímar yrðu áfram haldnir en að hámarksfjöldi í hverjum tíma yrði lækkaður.

World Class ákvað að fara aðra leið og leyfir fólki ekki að frysta kortin nema að hámarki í tvær vikur, og þá aðeins ef fólk er veikt eða í sóttkví. Hámarksfjöldi í hóptímum er nú helmingi lægri, annað hvert upphitunartæki hefur verið tekið úr notkun og iðkendum er uppálagt að halda tveggja metra fjarlægð við næsta mann.

„Í samningum okkar við viðskiptavini eru innlagnir á kortum almennt ekki leyfðar en það er samfélagsleg ábyrgð okkar að bjóða þeim viðskiptavinum sem eru sýktir eða í sóttkví að leggja kort sín inn í allt að tvær vikur,“ segir á heimasíðu fyrirtækisins.

Nánar um málið í helgarblaðinu Mannlíf.

- Auglýsing -

Hreyfing hefur gripið til svipaðra ráðstafana og World Class en á heimasíðu félagsins kemur ekkert fram um frystingu korta eða frestun áskrifta.

Þess má geta að þeim sem eru með áhættuþætti fyrir alvarlegri COVID-19 sýkingu hefur verið ráðið frá því að fara í líkamsræktarstöðvar eða sundlaugar. Ekki fæst séð að þessum hópi sé mætt, hvað áskriftir varðar, í Hreyfingu og World Class.

Í helgarblaðinu Mannlífi er farið yfir hvernig nokkur af stærstu fyrirtækjum landsins á sviði fjarskipta, heilsuræktar og afþreyingarþjónustu hafa brugðist við þeirri stöðu sem uppi er í íslensku samfélagi vegna kórónaveirunnar. Auk þess er farið yfir réttindi flugfarþega.

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -